இருத்தலின் அலைக்களிப்பு

இச்சை பிய்த்தொழுகிறது இன்னாட்களில்
இழுத்தென்னை தாழா துயரின் முடிவில்
அலைக்களிக்கிறது என் வாழ்வு
வாழ்வும் துயரும் ஒரே புள்ளிக் கோளத்தில்
மோதி முட்டி பெயர்கிறது

நிம்மதியாய் ஒருநாள்தனையேனும் இல்லைதான்
பாலைநில சுடுகாற்றும் பனியுறைவும்
வெப்பிசாரம் கொள்ளவைக்கிறதுதான்
நடுநிசியில் பாடலொன்று கேட்டும்
சாலையோர பூக்கள் நுகர்ந்தும்
மாலைநேர வெய்யில் பார்த்தும்
உன்னோடு நான் கதைத்தும்
வெகுநாட்கள் ஆகுகிறதுதான்

உன் முந்தானையின் வாசனைக்கு
இவை எதுவும் ஈடுஇலா
இங்கொனார்ந்தரும் ரொட்டியும் கோழியும்
உன் கைப்பிடி சோற்றுக்கு ஈடுஇலா
ஒற்றையாய் கழியும் இன்னாட்கள் பற்றி
சொல்லி மாழவொனா

எல்லாம் கிடக்கட்டும்
அனுப்பிய பணம் உன் கையில் கிடைத்ததா
அது போதாதென்று தெரியும் எனக்கு
என்ன நான் செய்ய
செல்லாத ஜந்து நாட்களுக்கு
பத்து நாட்கள் பிடித்துவிட்டார்கள் சம்பளத்தில்
உன் நினைவின் துயர் தாங்கவே இயலாமல்
நான் எதுவும் செய்ய முடியாமல்
உன் இறப்பின் துயர் துடைத்த நாட்கள் அவை
அது விளங்குமோ உனக்கு நானறியேன்

வார்தைகளில் உயிர் குறைந்துவிட்டது பார்
அது இது என்று எழுதுகிறேன்
அதற்காய் கோபித்துக் கொள்ளாதே
இன்னும் முழுவதுமாய் செத்துவிடவில்லை உயிர்
உன்னில் நின்ற நினைவும்
உன் மீதான அன்பும் மீதமாய் உள்ளது என்னில்
என் இறப்பென்றால் உன் நினைவுகள் அழிவதுதான்
முழைகொள்ளக் காத்திருக்கிறது சூல்
இது போதாதா வாழ்வை பசுமையாக்க

-yousuf salman-
(Saturday, 04 December 2010)