வசந்தகாலம் முடிந்து மரத்தின் இலைகள் எல்லாம் சருகுகளான பின்னர்
வீட்டின் கூரையில் மூடிக்கிடக்கிறது காய்ந்த சருகுகள்
இலையுதிர் காலம் முடிந்து பனிக்காலம் துவங்கிற்று
பனிக்காலத்தில் நான் முன்னரே இருந்திருக்கிறேன்
வெண்மையான சாலை
வெண்மையாக எல்லாமும்
இந்தப் பனிக்காலம்
வெண்மையாக இல்லை
கருப்பாகவும் இல்லை
இடையில் ஒரு நிறம்
நாட்கள் நீண்டு மிக நீண்டு அமைதியாக கிடக்கிறது
பேச்சுத் துணையற்ற அறவமான இரவொன்று
இரவு கழித்து நீல நிறம் இல்லாத விடியல்
பகலின் பின்னரான மஞ்சள் நிறமும் இல்லை
பனியின் வெண்ணிறமும் இல்லை
இருளின் கருத்த நிறமும் இல்லை
இவைகள் எல்லாவற்றுக்கும் இடையில் ஒரு நிறம்
அதுதான் இப்போதைக்கு நான் எனும் அகம்
வசந்தகாலம் வருவதற்கு முன்னர் இன்னும் நிறையக் காலம் இருக்கிறது
இது பனிக்காலம் ஆதலால் வருங்காலம் உறைபனிக்காலம்
அடர்த்தியான பனி கொட்டித்தீர்க்கிறது
பனிக்கால ஊளைக் காற்றின் சத்தம் நெஞ்சை பிளக்கிறது
கூரையின் மேல் சருகுகள், அதன் மேல் கொட்டும் பனி
வீடும் என் அறையும் உறைந்து நிட்கிறது
நான் அறையின் உள்ளே நிட்கிறேன்
